"Neftchi" rahbariyati muxlislar bilan uchrashdi

Unda 300 nafardan ortiq muxlislar, klub raisi Toxir Kapadze, bosh murabbiy Murodjon Ismoilov va "Istiqlol" o'yingohi direktori Ilhom Sobitov ishtirok etishdi. Muxlislar o'zlarini qiziqtirgan savollarga javob olishdi.

Yig'ilishni klub raisi Toxir Kapadze ochib berdi: “Bu yilgi “Neftchi” o'tgan yilgisidan tubdan farq qiladi. 2015 yilni “Neftchi” boshqacha ishtiyoq bilan boshladi. Mavsumlar oralig'ida 17ta nazorat uchrashuvi o'tkazildi, 14 g'alaba, 2 durang va faqat bitta mag'lubiyat qayd etildi.. O'tgan yil bu ko'rsatkich umuman teskarisi edi.. Yana sizlarga bir gapni aytmoqchiman o'tgan yilgi murabbiy Murod Ismoilov bilan hozirgi Murod Ismoilov o'rtasida katta farq bor. Bu yil Murodjon boshqacha ishtiyoq bilan jamoani tayyorlayapti jamoa va murabiyimizda katta o'sish bor”.

So'ngra so'z "Istiqlol" stadioni direktori Ilhom Sobitovga berildi: "Istiqlol" stadioni 21 mart Navro'z bayramiga sovg'a sifatida ishga tushuriladi. “Neftchi” “Navbahor”ga qarshi 3-tur o'yinini yangi o'yingohda o'tkazadi. Birinchi turni esa Qirgulidagi o'yingohda o'tkazadigan bo'ldi.

Keyingi so'z navbati bosh murabbiy Murod Ismoilovga berildi: “Bu yil jamoaga taklif qilingan barcha o'yinchilardan ko'nglim to'lmoqda, darvozabonlardan tortib hujumchilargacha. Jamoaga kelgan o'yinchilarni shunchaki taklif etmaganmiz. Ularni bilib, kuzatib so'ngra taklif qilganmiz. Men hozirgi tarkibdagi o'yinchilarga ishonaman va shu tarkib bilan mavsumni boshlayman. Yana bir yarim himoyachi olib kelishimiz mumkin. Lekin jamoani o'zagini tuzib oldim. Sizlarga nimani vada berishim mumkin? Birinchi yoki ikkinchi o'rinni emas chunki bizni sharoitimiz hozircha bunga javob berolmaydi. Lekin sizlarga har bir o'yinda faqat muxlislarni o'ylab g'alaba uchun maydonga tushishga vada beraman”, - deydi Murodjon Ismoilov.

SHuningdek bu yig'ilishda klubning yangi matbuot kotibi Oybek Veysal o'g'li barchaga tanishtirildi. U yangi mavsumda “Neftchi”ning sayti O'zbekistonda eng yaxshi saytlardan biri bo'lishga vada berdi.

Bundan tashqari Toxir Kapadze muxlislar klubi masalasiga to'xtalib o'tib unga 8 nafar nomzod boshliq etib tayinlandi. Ularning har biriga 10 nafardan muxlis azo bo'lishi aytib o'tildi. Klubning yangi o'yinchilarni tanishtirish marosimi 12 mart sanasiga belgilandi.

Akbar Islom sharhi