"Neftchi" - "Andijon" uchrashuviga chiptalar sotuvi boshlandi

"Xabaringiz bor, 10-mart kuni O'zbekiston Superligasining 3-turi doirasida sevimli jamoamiz “Neftchi” Farg'ona shahridagi “Istiqlol” stadionida vodiy derbisida “Andijon” jamoasini qabul qiladi.

Vodiy futbolining eng qizg'in qarama-qarshiliklaridan biri hisoblangan ushbu uchrashuv keskin kurashlarga boy o'tishi kutilmoqda. Maydondagi har bir lahza, har bir epizod muxlislar uchun haqiqiy futbol bayramiga aylanishi shubhasiz.

Chiptalar narxi: 40 000 so'm.Chiptalarni “Istiqlol” stadioni kassalari, shuningdek Marg'ilon shahrida — “Ansor” oshxonasi oldida hamda Dehqon bozori hududida.

Farg'ona shahrida esa Dehqon bozori va “Savdo majmuasi” hududida (2 ta joyda), “Korzinka” savdo majmuasida, Sanat saroyida hamda “Flagman” savdo majmuasida chiptalar savdosi yo'lga qo'yilgan

Mehmon jamoa muxlislari uchun ajratilgan sektor chiptalari 10-mart kuni “Istiqlol” stadioni hududidagi maxsus kassada sotuvga chiqariladi.

Mehmon jamoa ishqibozlari chiptalarni aynan shu kassadan xarid qilishlari mumkin", - deb xabar bergan "Neftchi" matbuot xizmati.