Nazorat uchrashuvi. "Navbahor" - "So'g'diyona" 1:0

Uchrashuv "Navbahor" ustunligida o'tdi. Birinchi bo'limda Dilshod Jabborovning oshirib bergan to'pini Mamazulumov darvozaga joylab qo'ydi, 1:0. Tanaffusgacha ushbu hisob o'zgarmadi. Ikkinchi bo'limda murabbiylar tarkibda o'zgarishlarni amalga oshirishgach futbolchilarimizda gol urishga bir qator qulay imkoniyatlar bo'ldi, lekin 1:0 hisobi o'yin oxirigacha saqlanib qoldi.

"Navbahor" uchrashuvni quyidagi tarkibda o'tkazdi: Melenchuk, Akbarov, Rijko, Samatov, Berdimurodov, Jabborov, Ahmedov, SHixov, Mamadaliev, Mahmudov, Mamazulumov.
Zaxiradan maydonga tushganlar: Xo'jaev, Baqoev, Alumona, Georgiev, Hasanov, Rasulov, Valijonov.

SHu bilan "Navbahor"ning poytaxtdagi yig'ini yakuniga etdi. Endi 4 mart kuni jamoa Namanganda to'planadi. 14 martga qadar yana bir o'rtoqlik uchrashuvi o'tkazish rejaga kiritilgan. Hozircha raqib nomi malum emas. Ushbu masalaga oydinlik kiritilsa, saytimiz orqali xabar beramiz.