Navro'z Alimov gol urdi yoxud “qizillar”ga qarshi “ko'klar” (foto)

“Qizillar”: R Matnizov (A Baklanov), D Tursunov, J Kimsanov, O Mamajonov, N Qo'ziboev, A Olimov, N Otaqo'ziev, A Nurboev, B Akramov, O Zokirov, F Xasanboev.

“Ko'klar”: G' Xasanov, M Zokirjonov, A Ziyaviddinov, I Malikjonov, I Ilin, A Mamatxo'jaev, O Xaydarov, N Alimov, A Yusupov(A Soipov), M Qurbonov(S Qaxorov), O Rustamov.

Uchrashuvni faol boshlagan “ko'klar” 9-daqiqada Navro'zbek Alimovning uzoq masofadan bergan zarbasi evaziga hisobni ochishdi. O'tkazib yuborilgan goldan so'ng raqiblar ham asta-sekin hujumga o'ta boshlashdi.

Uchrashuvning 23-daqiqasida N Otaqo'ziev – B Akramov kombinaciyasidan so'ng, Bahodir chiroyli zarba bilan darvozani ishg'ol qildi. SHu tariqa birinchi bo'lim 1-1 hisobi bilan yakunlandi.

Uchrashuvning 2-bo'limida “ko'klar” tarkibida 2 ta o'zgarish amalga oshirildi. Mirjalol Qurbonov o'z o'rnini Sardor Qohorovga bo'shatib bergan bo'lsa, A Yusupov o'rniga A Soipov maydonga tushdi. “Qizillar”da esa darvozani R Matniyazov o'rniga A Baklanov qo'riqladi.

Ikkinchi bo'limni faol o'tkazgan qizil formalilar yana ikkita gol urishga erishdilar. N Otaqo'ziev darvozabondan qaytgan to'pni golga aylantirgan bo'lsa, B Akramov himoyachilarning xatosidan foydalanib o'z dublini rasmiylashtirdi.

SHu tariqa o'zaro o'yin 3-1 hisobida “qizillar”ning g'alabasi bilan yakunlandi.