"Navbahor": Rahbariyatda o'zgarish ro'y berdi

Mazkur yig'ilishda tashkiliy masalasi sifatida “Navbahor” futbol klubining joriy yilgi chempionatdagi ishtiroki ko'rib chiqildi. Yig'ilishda Namangan viloyat futbol federaciyasi birinchi vice-prezidenti Bahrom Muhiddinovich Xolmirzaev, Namangan shahar hokimi, “Navbahor” futbol klubi prezidenti Bahodir Mamatovich Bekxodjaev va “Navbahor” futbol klubi direktori G'anisher Abdugapparovich Ismailovlar ishtirok etishdi.

Yig'ilish davomida shu paytga qadar “Navbahor” futbol klubi vice-prezidenti sifatida ish yuritib kelgan Olimjon Abdullaevich Qosimovni o'z arizasiga ko'ra egallab turgan vazifasidan ozod etilganligi elon qilindi. Kelgusida “Navbahor” futbol klubi vice-prezidenti lavozimida Davron Ravshanbekovich Karimovni faoliyat yuritishi oydinlashdi. Karimov shu paytga qadar birinchi ligada qatnashib kelayotgan “Norin” klubi rahbarlik qilib kelayotgandi. Bir necha yillik tanaffusdan keyin yana birinchi ligaga qaytgan “Norin” jamoasi birinchilikda ancha ishonchli tarzda ishtirok etayotganligini ham qo'shimcha qilish joiz. Jamoa azolari va murabbiylar shtabi bugun Navoiyda hali Namanganga qaytishga ulgurishmagandi. SHu sababli, ertaga Karimov jamoa azolari va murabbiylarga klub vice-prezidenti sifatida tanishtiriladi.