"Navbahor" - "Paxtakor". Uchrashuv haqida malumotlar

Avvalgi turda "Obod"dan mag'lubiyatga uchragan "Navbahor" oxirgi ikki o'yinda g'alaba qozongan "Paxtakor"ni qabul qiladi. Turnir jadvalida quyi pog'onalarga tushib borayotgan mezbonlar bu safar muxlislari qarshisida g'alaba uchun bor kuchlarini berishga harakat qilishadi. Jamoalar oliy ligani tark etishmagan va bu uchrashuvni ham klassik to'qnashuv deb etirof etishimiz mumkin.

O'yinni "Navbahor" himoyachisi Tohir SHamsiddinov sariq kartochkalari sababli o'tkazib yuboradi.

Qarama-qarshilik
Hozirga qadar oliy ligada bu klublar o'rtasida 49 uchrashuv o'tkazilgan. Ularning 32tasida "Paxtakor", 11tasida "Navbahor" g'alaba qozongan. 6 bellashuv durang bilan tugagan. Jamoamiz 85 gol urib, darvozasidan 32 to'p olib chiqqan. Namangandagi 24 o'yin yakuni bo'yicha kuchlar teng. 10 martadan zafar quchgana jamoalar 4 bahsda murosaga rozi bo'lishgan. Oxirgi ikki mavsumda "Paxtakor" mehmondan 1:0 hisobidagi yutuqlar bilan qaytgan.

O'yin rasmiylari
Uchrashuvni navoiylik Rustam Bobomurodov boshqaradi. Unga Husniddin SHodmonov va Sardor Hakimov qanotlarda yordam beradi.

"NAVBAHOR" - "PAXTAKOR"
Hakamlar: Rustam Bobomurodov (Navoiy), Husniddin SHodmonov (Buxoro), Sardor Hakimov (Samarqand), Baxtiyor Yo'lcharaev (Guliston).
Nazoratchi: Marat Ismoilov (Toshkent).
PFL vakili: Noil Lutfulin.

"Navbahor" - "Paxtakor" uchrashuvi 24 sentyabr, shanba kuni Namangandagi "Markaziy" stadionda soat 17:30da start oladi.