"Navbahor" nazorat uchrashuvida "Neftchi"ni mag'lub etdi
16 jan 2020 17:49
Yangiliklar
![](https://championat.asia/upload/storage/539990_original.jpg)
![](/upload/storage/539990_220.jpg)
"Navbahor" nazorat uchrashuvida "Neftchi"ni mag'lub etdi
O'rtoqlik maqomida kechgan mazkur bellashuvga ko'plab futbol ixlosmandlari tashrif buyurdilar.
Uchrashuvning birinchi bo'limi teng kurashlar ostida o'tdi. Dastlabki daqiqalarda "Neftchi" vakillari namanganliklar darvozasini ishg'ol etish uchun hujum tashkil etgan bo'lsalar, bo'lim o'rtalariga kelib "Navbahor" vakillari o'yin tizginini qo'lga ola boshladilar. O'yinning 31-daqiqasiga kelib "Navbahor" jamoasi azolari hisobni ochdilar. Bu vaziyatda qanotdan etkazib berilgan to'pni namanganliklarning xorvatiyalik legioneri Vilim Posinkovich boshi bilan aniq zarba yo'llab, "Neftchi" darvozasini ishg'ol qildi. Birinchi bo'lim "Navbahor" jamoasining kichik hisobdagi g'alabasi bilan yakuniga etdi.
Qiziqarli kechgan bahsning ikkinchi bo'limida darvozalarga jami 3 ta gol kiritildi. Dastlab Amirbek Jo'raboev "Navbahor" jamoasining ikkinchi goliga mualliflik qilgan bo'lsa, keyinroq Abbos G'ulomov "Navbahor"ning uchinchi golini kiritishga muvaffaq bo'ldi. Nihoyat bo'lim so'ngiga kelib "Neftchi" vakillari namanganliklar darvozasiga gol kiritishni uddasidan chiqdilar. Bu vaziyatda uchrashuv hakami "Navbahor" futbolchilari o'z jarima maydonlari ichida o'yin qoidasini buzdi topdi va 11 metrlik nuqtani ko'rsatdi. Belgilangan penaltini Idris Bikmaykin aniq amalga oshirib, hisobni qisqartirdi.
Do'stona ruhda kechgan bahs "Navbahor" jamoasining 3:1 hisobidagi g'alabasi bilan yakuniga etdi.
O'rtoqlik uchrashuvi.
"Neftchi" - "Navbahor" 1:3 (0:1)
Farg'ona. "Neftchi" SM o'yingohi.
Gollar: Vilim Posinkovich (0:1), Amirbek Jo'raboev (0:2), Abbos G'ulomov (0:3), Idris Bikmaykin (1:3).
"Neftchi": SHerzod Abduraimov, Dilyor Irmatov, Jamshid Qobulov, Mirjamol Nematov, Alisher Abduvohidov, Otabek Zokirov (Pavel Smolyachenko), Islombek Karimov, Sardorbek Sotvoldiev, Sanjar Zokirov, Dostonbek Bobojonov, Dostonbek Toshmatov (Idris Bikmaykin).
"Navbahor": O'tkir Yusupov, Tohir SHamsitdinov, G'iyos Komilov, Xurshid Muxtorov, Mirzohid G'ofurov, Fuat Bayramov, Islom Rashidxonov, Ivan Solovyov, Vilim Posinkovich, Artyom SHerbak, Azizbek Turg'unboev.
Ikkinchi bo'limda maydonga tushganlar: Islom Isoqjonov, Abdulhay Ismoilov, SHahzod Hamidov, Obid Jo'raboev, Sardor Telyakov, Anvar Hojimirzaev, Abbos G'ulomov
Bekzod Tolibov tayyorladi
O’xshash yangiliklar
![AMP Logo](https://championat.asia/image/logo-amp.png)
Fikrlar