"Nasaf"ning OCHLdagi raqibi 14-turda mag'lub bo'ldi

“Nasaf”ning OCHL-2014 pley off uchrashuvidagi raqibi “Al-Jayish” jamoasi o'z maydonida “Al-Arabi” jamoasini qabul qildi. Uchrashuvda 1:2 hisobida "Al-Jayish" mag'lubiyatga uchradi.

Uchrashuvning 36-daqiqasida o'yindagi hisob mehmonlar tomonidan ochildi, golga “Al-Arabi” jamoasi vakili Vanderley mualliflik qildi. Ushbu hisob uzoq saqlanib qolmadi oradan 5 daqiqa o'tib, “Al-Jayish” jamoasining braziliyalik leioneri Vagner Ribeyro tomonidan hisob tenglashtirildi. Uchrashuv birinchi bo'limi ana shu hisobda yakuniga etdi.

Uchrashuvning so'nggi 90-daqiqasida “Al-Arabi” jamoasi vakili Vanderley dublga erishdi, u “Al-Jayish” va Qatar milliy terma jamoasi darvozaboni Saud Al-Xotir qo'riqlayotgan darvozaga o'zining uchrashuvdagi ikkinchi golini kiritib, jamoasini hisobda oldinga olib chiqdi va g'alabasini taminladi.

SHunday qilib, “Al-Jayish” jamoasi QYULning 14-turida ham mag'lubiyatga uchradi. Turnir jadvalini boshqarib borayotgan “Al-Sadd” jamoasi safarda “Al-Rayyan” jamoasi bilan durang natija, 2:2 hisobini qayd etdi.

10.01.2014. QYUL, 14-tur.

“Al-Jayish” – “Al-Arabi” 1:2 (1:1)

Gollar: Vanderley, 32-0:1, 90-1:2;  Vagner Ribeyro, 37-1:1;

“Al-Jayish”: Saud Al-Xotir, Muxammad Matnani (Tunis), Rami Fayoz (Iordaniya),  Anderson Martins (Braziliya), Kalu Uche (Nigeriya),  Murod Najiy,  Majid Muxammad, Jires Kembo (Franciya), Seul Ki Go (Janubiy Koreya), Muxammad Jedo,  Vagner Ribeyro (Braziliya).

Zahiradan 2-bo'limda maydonga tushganlar: Yusuf Muftah (Murod Najiy o'rniga), Muxammad Jedo (Majid Muxammad o'rniga), Al Sanad (Jires Kembo o'rniga).