"Nasaf"ning OCHL-2014 pley-offidagi raqibi ilk bor mag'lub bo'ldi
07 dek 2013 19:58
Yangiliklar

"Nasaf"ning OCHL-2014 pley-offidagi raqibi ilk bor mag'lub bo'ldi

Xabaringiz bor, Qarshining "Nasaf" klubi Osiyo chempionlar ligasi pley-offi doirasida 8 fevral kuni Qatarning "Al Jayish" klubiga qarshi o'ynaydi.

Kecha Qatar yulduzlar ligasi 11-turida "Al Jayish" klubi safarda "Al Ahli" mehmoni bo'lib mavsumdagi dastlabki mag'lubiyatini qabul qilib oldi.

SHu kunga qadar bo'lib o'tgan 10ta o'yinda 7ta g'alaba va 3ta durang qayd etgan Rezvan Luchesku shogirdlari "Al Ahli"ga 2:3 hisobida mag'lub bo'lishdi. "Jayish" safida gollarni nigeriyalik Kalu Uche va braziliyalik Vagner Ribeyro urishdi.

Endi "Al Jayish" "Al Sadd" bilan birgalikda peshqadamlik qilmoqda. Ikkala jamoa hisobida 24tadan ochko mavjud. "Nasaf"ning raqibi keyingi turni 10 dekabr kuni "Ar Rayyan"ga qarshi safarda o'tkazadi.

Qatar yulduzlar ligasi musobaqa jadvali

"Al Ahli" - "Al Jayish" 3:2
Gollar: Meshaal Abdulla 30, M.Jabari 45, Kaluyituka 58 penalti - Kalu Uche 15, Vagner Ribeyro 62.
"Al Jayish": Saud Muborak, Ali Sanad, (Rami Fayoz, 83) Anderson Martins, Murad Naji, Vesam Riziq, Vagner Ribeyro, Seul Ki Go (Xolid Al Zreyki, 59), Matnani, Majid Muhammad, Kalu Uche, Muhammad Jedo (Mohir Yusuf, 59).

Narzulla Saydullaev.

Havola :

Manba : championat.asia

Yangiliklarni Telegramda o'qing!

Reyting: