"Nasaf" jamoasi va murabbiylari klub muxlislarini yangi yil bilan tabriklaydilar

Aziz "Nasaf" futbol klubi muxlislari Sizlarni jamoamizning 2013 yildagi yutuqlarida juda katta hissalaringiz borligini chuqur hurmat bilan etirof etamiz. Umid qilamizki, yangi yilda ham Sizlar bilan futbol maydonlarida birga bo'lamiz! Fursatdan foydalanib barchangizni kirib kelgan yangi 2014 yil bilan chin qalbdan muborakbod etamiz. Yangi yil yurtimizda omadli va osoyishta yil bo'lsin. Barcha orzu-istaklaringiz yangi yilda amalga oshsin. Biz murabbiylar va futbolchilar Siz aziz muxlislarimizni yangi mavsumdagi chempionatimizda, O'zbekiston Kubogi musobaqasida va xalqaro maydonlardagi uchrashuvlarda yaxshi natijalarimiz bilan xursand qilishimiz uchun bor imkoniyatlarimizni ishga solamiz va harakat qilamiz. Biz Sizlar bilan doimo birga bo'lishdan juda mamnunmiz. Yangi yil hammalaringizga baxt-saodat keltirsin! Yangi yilingiz muborak bo'lsin!

"Nasaf" futbol klubi murabbiylar shtabi va futbolchilar