"Nasaf": Roy Rok Sloveniyada davolanmoqda

“Nasaf” tarkibida jamoaning etakchi futbolchisi Roy Rok davralar oralig'ida tibbiy tekshiruvdan muvaffaqiyatli o'ta olmaganligi sababli hozircha klubga yordam bera olmaydi. Ayni paytda futbolchi Sloveniyada. Kerakli muolajalarni olgandan so'ng futbolchi yana qaytadan ko'rikdan o'tish uchun O'zbekistonga qaytadi. “Nasaf”ning yana bir etakchi himoyachisi Hamza Karimov ham ayni paytda jarohatini davolash bilan band. SHu bois qarshilik muxlislar ertangi bahsda uni maydonda ko'rmasliklari aniq. “Andijon”ga qarshi kechgan uchrashuvning ikkinchi bo'limda jamoamiz yarim himoyachisi Bahrom Abdurahimov jarohat olib maydonni tark etgandi. Ammo bugun jamoaning o'yin oldidan o'tkazgan so'nggi mashg'ulotida andijonlik yarim himoyachi umumiy guruhda mashg'ulot olib bordi. Demak uni ertaga maydonda ko'rishimiz mumkin bo'ladi.

“Olmaliq” tarkibida esa darvozabon Valeriy Fomichev o'tgan turda “Paxtakor”ga qarshi uchrashuvda qizil kartochk olganligi bois o'yin qaydnomasidan o'rin olmaydi. SHuningdek, jamoa yarim himoyachisi Salomat Quttiboev aynan “Paxtakor” bilan bo'lgan o'yinda hakam tomonidan ogohlantirish oldi. Bu yarim himoyachining to'rtinchi sariq kartochkasi sifatida qayd etildi va u ham “Nasaf”ga qarshi o'yinda jamoasiga yordam bera olmaydi.