"Nasaf" o'yin oldi mashg'ulotlarini o'tkazdi, barcha o'yinga tayyor

"Nasaf" bosh murabbiyi, o'yin oldi mashg'ulotlarni bir kun avval tushga qadar o'tkazishga odat qilgan. Balki bu bilan murabbiy, futbolchilarning jismoniy holatini takomillashtirishni harakat qilgan.

Mashg'ulotlarda barcha birdek harakat qildi. Anchadan beri ko'rmay qolganimiz, Kenja To'raev ham safda. Darvozabonlar bilan odatga ko'ra Ivankov ishladi. U bir yo'la to'rt nafar shogirdini o'yinga tayyorladi. Ayni paytda "Nasaf"da teng kuchga ega ikki posbon bo'lsada, ertangi o'yinda Eldor Suyunovni darvozada turishini bashorat qilish qiyin emas.

Ertangi o'yin "Nasaf" tarixiga jiddiy o'zgartirish kiritishi mumkin. Ikkinchi tarkibi bilan Qarshiga kelayotgan "Al Ahli"ni mag'lubiyatga uchratsa, qarshiliklar o'z tarixlarida ilk marotaba OCHLning 1/8 finaliga yo'llanmani qo'lga kiritadilar. Bu bosqichda jamoa "Paxtakor"ning guruhdagi raqibi bo'lgan "Al Ayn"ga qarshi bahs olib boradi. Buning uchun "Nasaf"ga omad tilaymiz!