“Nasaf” nazorat uchrashuvida "Mashal" ustidan ishonchli g'alabaga erishdi

"Bugun “ajdarlar” qisqa tanaffusdan unumli foydalangan holda, nazorat uchrashuvida Muborakning “Mashal” jamoasi bilan kuch sinashdi va yakunda 3:1 hisobida g'alaba qozondi. Uchrashuvda SHohmalik Komilov hisobni ochgan bo'lsa, SHahzod SHaymanov 11 metrlik jarima zarbasidan unumli foydalanib, hisobni tengalashtirdi. Ammo ikkinchi bo'limda vakillarimiz ishonchli harakat qilishdi. Abubakr-Rizo Turdialiev o'z aldamchi haraktlari bilan “gazchilar” himoyasini dog'da qoldirdi va hisobni 2:1 ko'rinishga keltirdi. Bellashuvdagi so'nggi golga Doniyor Narzullaev mualliflik qildi. Uning tepgan to'pi raqib darvozasining olis burchagiga borib tushdi", – deya xabar berdi "Nasaf" matbuot xizmati.