“Nasaf”: Jamoamiz yana mashg'ulotlarga kirishdi

SHundan so'ng murabbiylar futbolchilarga qisqa muddatli tanaffus berishdi. Bugundan, yani 25 yanvardan boshlab, jamoa Qarshi shahridagi o'z qarorgohida yig'ildi va mashg'ulotlarga kirishdi.

Qarshi shahridagi tayyorgarlik mashg'ulotlari 28 yanvargacha davom etadi va shu kuni jamoa Toshkent shahriga jo'nab ketadi. Mashg'ulotlar Toshkent shahrida ham davom ettiriladi.

“Nasaf” tarkibidagi o'zgarishlarga to'xtaladigan bo'lsak. Jamoani rasman Fozil Musaev, SHuhrat Muhammadiev, Ildar Mamatkazin va Azamat Allaniyozov tark etishgan. Muqaddam “Bunyodkor” jamoasida to'p tepgan Akmal SHorahmedov endi jamoa sharafini himoya qiladi. Avval yoshlar hamda “Nasaf-2” jamoasi saflarida faoliyat yuritgan bir qator futbolchilar endi asosiy tarkib o'yinchilariga aylanishdi. Tarkibida boshqa o'zgarishlar yo'q.

“Nasaf” bu yilgi  Osiyo chempionlar ligasidagi ishtirokini o'tish bosqichidan boshlaydi. 31 yanvar seshanba kuni Toshkent shahridagi “Bunyodkor” stadionida bo'lib o'tadigan dastlabki bosqich uchrashuvida "Nasaf", Bahraynning “Al-Hidd” jamoasiga qarshi maydonga tushadi. Uchrashuv soat 16:00da boshlanadi.

“Al-Hidd” ham yurtimizga 28 yanvar kuni kechki payt tashrif buyuradi. Klub rasmiy delegaciyasi va futbolchilari Toshkent shahridagi “Miran international” mehmonxonasiga joylashishadi.

“Nasaf” PFK matbuot xizmati