"Nasaf" futbol klubi ishqibozlari Toshkentga jo'nab ketishdi

Ishqibozlar klubi faollari erta tongdan Qarshi shahridagi Markaziy stadion yonida to'planishdi va ular o'zlari uchun ajratilgan avtobusga joylashishib, Toshkent sari yo'lga chiqishdi.

"Bugungi bo'ladigan uchrashuv "Nasaf" futbol klubi ishqibozlarida juda katta qiziqish o'yg'otgan, bizlarda keyingi paytlarda o'z jamoalamizga bo'lgan ishonch va yaqinlik yanada kuchaydi. Biz bugun bevosita "Paxtakor" Markaziy stadionida turib, sevimli bosh murabbiyimiz Ro'ziqul Berdiev boshchiligidagi jamoamizni uchrashuv davomida qizg'in qo'llab turamiz. Ishqibozlar klubi faollaridan tashqari kecha kechki payt va bugun ertalab juda ko'p sonli muxlislar Toshkent shahriga jo'nab ketishdi. Kimlardir shaxsiy mashinasida, kimlardir poezdda va yana kimlardir havo yo'li orqali. Umid qilamizki, bizning safimizga hozirgi paytda Toshkent shahrida bo'lib turishgan boshqa ishqibozlar ham qo'shilishadi. Ha, bugun katta va chiroyli futbol o'yinidan bahramand bo'lsak ajab emas. Biz jamoamiz tomonidan "qora anana"ga chek qo'yilishidan umid qilayapmiz. Zero, bugungi kunda jamoamiz bu vazifani uddalay oladi, biz ishqibozlar bunga ishonamiz",- deydi ishqibozlar klubi faollaridan biri Ziyodulla Safarov.

Biz ham saytimiz nomidan "Nasaf" futbol jamoasiga va uning mana shunday jonkuyar va sodiq muxlislariga muvaffaqiyatlar tilab qolamiz. Olg'a "ajdarlar"!