"Nasaf" etakchilaridan biri "Paxtakor"ga o'tishga yaqin

"Nasaf" bilan joriy yil yakunida shartnomasi tugayotgan SHarof Muhitdinovning qarshiliklar klub prezidenti bilan yangi kelishuv borasidagi muzokarasi muvaffaqiyatsiz tugagan. Natijada SHarof Muhitdinov "Nasaf" bilan klub taklif etgan shartga ko'nmagan va o'rtadagi shartnoma uzaytirilmagan.

Yanvarda erkin agentga aylanadigan mahoratli futbolchiga "Paxtakor" tomonidan jiddiy qiziqish bildirilmoqda. Tomonlar og'zaki muzokaralar o'tkazishgan va deyarli kelishuvga erishilgan. Kubok o'yinlari tugaganidan so'ng SHarof Muhitdinov agarda xorij klublaridan aniq taklif bo'lmasa, unda katta ehtimol  "Paxtakor" bilan rasman shartnoma imzolaydi.

SHarof Muhitdinovning xizmatlariga shaxsan "Paxtakor" bosh murabbiyi SHota Arveladze qiziqmoqda.

Eslatib o'tamiz, SHarof Muhitdinov "Nasaf" akademiyasi tarbilanuvchisi hisoblanadi va futbolchi qarshiliklar tarkibida turli poziciyalarda o'ynagan. Aslida markaziy yarim himoyachi hisoblangan Muhitdinov bir vaqtning o'zida ham chap qanot himoyachisi, hujumkor vinger va maydon markazida harakatlanishi mumkin.