Muzaffar Abdullaev: "Birinchi o'rinni olmoqchimiz"

Dastlabki turda Buxoroning "Buxoro" jamoasi o'z uyida "Qo'qon-1912" jamoasini qabul qiladi. Ushbu uchrashuv oldidan "Qo'qon-1912" klubi darvozaboni Muzaffar Abdullaev o'z fikrlarini bildirib o'tdi.

"Yangi mavsumga jiddiy tayyorgarlik ko'rdik. Barchasi biz o'ylaganimizdek reja asosida ketmoqda. Bu yilgi superligaga juda ham qattiq tayyorgarlik ko'rdik. Bu yilgi mavsumda hech bir jamoaga oson bo'lmaydi. Har bir uchrashuvda g'alaba qozonish uchun maydonga chiqamiz. Jamoa bilan birinchi o'rin uchun kurash olib boramiz. Ertaga "Buxoro" jamoasiga qarshi birinchi turni o'tkazamiz. Ushbu o'yinga jiddiy tayyorgarlik ko'ryapmiz. Ushbu uchrashuvga tayyormiz. Har doim birinchi o'yin qiyin bo'ladi. Bizni "Buxoro"da qanday o'yin kutib turganini barcha kutib turibdi. CHempionatni g'alaba bilan boshlamoqchimiz. "Buxoro" ancha yaxshi shakllangan jamoa. Bu yil ushbu jamoada yangi nomlar paydo bo'lgan. Hech bir jamoaga "Buxoro"da bahs olib borish oson bo'lmaydi", - deydi Muzaffar Abdullaev.

Jahongir Sotvoldiev yozib oldi