Muxriddin Axmedov: "Qo'qon-1912"da menga imkon berilmadi"
06 avg 2018 21:37
Yangiliklar
![](https://championat.asia/upload/storage/441215_original.jpg)
![](/upload/storage/441215_220.jpg)
Muxriddin Axmedov: "Qo'qon-1912"da menga imkon berilmadi"
- Salom Muhriddin! Yangi jamoaga moslashib oldingizmi?
- Assalomu alaykum! Rahmat, o'rganib qoldim. Umuman olganda "Norin" jamoasida ilgari ham o'ynaganman, shu bois jamoaga tezda kirishib ketdim.
- Davralar oralig'ida jamoangizni o'zgartirishingizga nima sabab bo'ldi?
- Ha, davralar oralig'ida "Norin" jamoasidan Rustam Do'rmonov menga qo'ng'iroq qilib, qiziqarli taklif bildirdi. SHuningdek, Pro-liga "A" guruhida o'zimni sinab ko'rish istagi tug'ilgan edi. CHunki, "A" guruhida kuchli jamoalar bilan o'ynash imkoniyati bor.
- Sizga Superliga jamoalaridan taklif tushmadimi?
- Qishda Superliga jamoasi ishtirokchisi "Qo'qon-1912" klubi yig'inida ishtirok etdim. Ilgari bu jamoada o'ynaganman, malum bir sabablarga ko'ra, jamoadan ketgandim. SHundan beri avvalgi "Birinchi liga" va hozirgi "Pro-liga" jamoalarida o'ynayapman. Qishda "Qo'qon-1912" jamoasi yig'inida ishtirok etganimda to'g'risi menga imkon berilmadi, darvozaga qo'yib, sinovdan o'tkazishmadi. Men o'zi qo'qonlikman, agar "Qo'qon 1912" jamoasida o'ynaganimda menga qulay bo'lardi. Meni nima uchun bu chaqirishmaganini, yig'in vaqtida sinab ko'rmaganini tushunolmadim. Futbolda ishonch muhim narsa, men o'zimga ishonaman, "Qo'qon-1912" jamoasida o'ynab keta olaman.
Nima ham derdim, bu taqdir. Ayni damda "Norin" jamoasida hamma sharoitlar meni qoniqtiradi. "Yozyovon" jamoasiga ham mehrim baland, jamoa muxlislarini doim yodimda saqlayman.
Bekzod Tolibov suhbatlashdi
O’xshash yangiliklar
![AMP Logo](https://championat.asia/image/logo-amp.png)
Fikrlar