Mutolaa uchun. Eriksenni qutqargan qahramon
21 iyu 2021 18:33
Yangiliklar
![](https://championat.asia/upload/storage/644090_original.jpg)
![](/upload/storage/644090_220.jpg)
Mutolaa uchun. Eriksenni qutqargan qahramon
Tanishing, quyida rasmi keltirilgan inson Yens Klyaynfeld – Kristian Eriksen qutqaruvida eng katta faollik ko'rsatgan shifokor. Aynan u futbolchining yurak urishini qayta ishga tushirgan va birinchi bo'lib o'ziga kelgan Kristian bilan gaplashgan.
Klyaynfeldning sport tibbiyotidagi yutuqlari:
Klyaynfeld – anesteziya, shoshilinch yordam va intensiv terapiya sohasidagi nemis mutaxassisi. U bir nechta milliy va xalqaro sport associaciyalarida shifokor bo'lib ishlaydi.
- Jahon futbolidagi doping nazorati tadbirlarida qatnashadi;
- Xalqaro sport tadbirlarida tibbiy uyushmani tashkil etish ishlariga bir necha marta javobgar bo'lgan;
- Xalqaro sport associaciyasining antidoping bo'yicha ekspertlar guruhi azosi, doping nazorati tizimini rivojlantirish va takomillashtirishda bevosita ishtirok etadi.
Hodisa mutaxassisning ko'zi bilan: Eriksen defibrillyator zarba(razryad)lari orqali qutqarildi, daniyalik shifokorlar voqea ko'lamini tushunmadilar
Klyaynfeld o'yindan bir soat oldin Kopengagendagi mashg'ulotlarga kelgan. U kabi mutaxassislarni ehtimol, futbolchilarning hayotini saqlab qolish uchun maxsus o'qitishgan. Qarangki, shunday holat ro'y berdi.
Yens mashg'ulot tugagandan so'ng "Parken" stadioni tribunasidan joy oldi:
"Men voqea sodir bo'lgan joyning to'g'risida, qarama-qarshi tomonida o'tirgan edim. Birinchi u erda jiddiy narsa sodir bo'lgan deb o'ylamagan edim. Ammo, keyin Daniya terma jamoasi shifokorlarining reakciyasini ko'rgach, bu oddiy jarohat emasligini angladim", – deydi doktor "Funke"ga bergan intervyusida.
SHundan so'ng Klyaynfeld yordam uchun maydonga yugurdi - bu holatda uning tajribasi hamkasblariga katta yordam berdi:
"Futbolchilar boshlarini ushlab turishardi. Men brigadaga maydonga chopish uchun ishora qildim. Ularning yonida defibrillyator bor edi". Keyin oldimda o'tirgan hamkasblarimga: "Biz harakat qilishimiz kerak", – dedim.
Klyaynfeld Kristian tomon yugurganida uning jamoasi allaqachon yurak massajini boshlagan va elektrodlarni Kristianning tanasiga ulab, defibrillyatorni tayyorlagandi:
"Biz unga zarba(razryad)lar berdik va massajni davom ettirdik. Bir soat oldingi mashg'ulotda qilganlarimiz najot topishda hal qiluvchi rol o'ynadi".
Daniya terma jamoasining tibbiy jamoasi bunday vaziyatda qanday harakat qilishni tushunmadilar:
"Daniyalik shifokorlar voqea ko'lamini darhol anglamadilar. Bunday daqiqalarda siz tez harakat qilishingiz kerak, ammo men ularni ayblay olmayman: ular butunlay boshqa jarohatlar bilan band bo'ladilar va yurak xurujini darhol tushunib etishlari qiyin. Men buni birinchi marta Eriksenning tilini tortib olishga urinishayotganida tushundim. Inson hayotini bu tarzda saqlab qolishning iloji yo'q".
Eriksen qutqarib qolinishida defibrillyator muhim rol o'ynadi.
"Agar siz dastlabki ikki daqiqada bemorni defibrillyator bilan taminlasangiz, ularning tirik qolish ehtimoli 90%ni tashkil qiladi. Har bir to'xtash daqiqasi ularni yana 10%ga kamaytiradi. Tezkorlik – asosiy nuqta. Eriksen eletkroshokni 2-3 daqiqa kutib turdi, shuning uchun u tirik qolish uchun barcha imkoniyatlarga ega edi", – dedi Klyaynfeld.
Tez orada Kristian hushiga keldi. SHifokor ushbu daqiqani juda yaxshi eslaydi:
"Men undan ingliz tilida so'radim: "Sen biz bilan birgamisan?". U "Ha men shu erdaman", deb javob berdi. Keyin qo'shimcha qildi: "Jin ursin, men endigina 29 yoshga to'ldim". Men unga hozir hammasi yaxshi ekanligini aytdim, u buni tushundi va qo'lini ko'kragiga qo'ydi".
Defibrillyator va tibbiy mashg'ulotlar – Kristian Eriksenning hayotga qaytganining ikkita asosiy kalitidir.
Hech shubha yo'qki, ushbu qutqaruv – Evro-2020'ning eng muhim voqeasi.
SHerzod Nurmatov tarjimasi.
O’xshash yangiliklar
![AMP Logo](https://championat.asia/image/logo-amp.png)
Fikrlar