Murod Ismoilov "Neftchi" - "Paxtakor" o'yini oldidan: "Turnir jadvalidagi farq bugun hech narsani anglatmaydi"

Ayni paytda jamoalar holati turlicha bo'lsada o'yinga qiziqish yuqori darajada. Biz ertangi o'yin oldidan o'z vaqtida ikki jamoada faoliyat olib borgan Murod Ismoilovning fikrlarini tingladik. 

"Neftchi" hozir juda yaxshi sport formasida va ko'tarinki kayfiyatda. Tarkibga zo'r ijrochilar yig'ilgan. So'nggi o'yinlarda bir tekis o'yin namoyish qilmoqda. "Paxtakor"da buning aksi kuzatilyapti. Balki bu yangi g'oyalar bilan bog'liq muammodir. Lekin ijrochilar borasida klub munosib selekciyani amalga oshirgan. Turnir jadvalidagi farq hech narsani anglatmaydi, chunki bu qarama-qarshilikda o'tkinchi o'yin bo'lmaydi. "Paxtakor" va "Neftchi" eng zaif holatida ham bu klassikoda eng yaxshi o'yinini o'tkazgan. Kim yutishini oldindan taxmin qilmayman, lekin juda jozibali o'yin guvohiga aylanamiz. Mezbonlarning ustun tomoni "Istiqlol" stadionidagi muhit. Muxlislar bugun yondirishadi. Toshkentdan ham ko'p sonli ishqibozlar kelishadi. Men uchun ikki klub ham qadrdon. Kuchli jamoa yutaversin. Biz esa chiroyli futbol tomosha qilaylik",- deydi Murod Ismoilov.