Murod Ismoilov: "Ashurmatov 2-3 oy ichida juda kuchli jamoa shakllantiribdi"

"Muxlis o'z sevimli jamoasini har qanday holatda ham qo'llab quvvatlashi lozim. Men shunday deb hisoblayman. Bugun juda qiyin o'yin bo'ldi. 2-3 oy ichida Baxtiyor Ashurmatov juda ajoyib jamoa tuza olgani ko'rindi. Andijon klubi rahbariyati va muxlislaridan Baxtiyor Ashurmatovni qo'llab quvvatlashlarini so'rab qolaman. Uning holatini hozir o'zim ham sezib turibman. Tarkibimizda mahoratli futbolchilar yo'q, unday futbolchilar qimmat turadi. Biroq futbolchilarimiz har bir to'p uchun kurashishdi. O'yin qiziqarli bo'ldi. Biz keyingi o'yinni "Buxoro"ga qarshi o'ynaymiz. Yana bosim ostida o'ynaymiz", - deydi Murod Ismoilov.