Muhtor Qurbonov: "Biz bugun haqqoniy g'alabaga erishdik"

– O'ylaymanki bugungi o'yin ancha qiziqarli bo'ldi. Ochkolar har ikkala jamoaga ham kerak edi. Biz bugun haqqoniy g'alabaga erishdik. Uydagi o'yinimizda “Neftchi” ustidan qozonilgan g'alaba yigitlarni ancha ruhlantirgandi. “So'g'diyona” ham yomon o'yin ko'rsatmadi. Faqatgina o'sha ikkinchi bo'limda kiritilgan tezkor ikki gol bizga foyda keltirdi. Bugungi o'yin uchun yigitlarga katta rahmat aytaman.

– Ikkinchi davrada birinchi davrada yo'l qo'ygan hatolarimizni to'g'irlashga harakat qilayapmiz. Imkon qadar hujumkor o'yin ko'rsatayapmiz. “Bunyodkor”, “Lokomotiv” jamoalari bilan bo'ladigan o'yinlardayam ikkita hujumchi bilan harakat qilamiz. Bunda esa himoyachilarimizga ham engilroq bo'ladi.

– “So'g'diyona” oliy ligada qolishga bemalol kuchi etadi deb ayta olaman. Futbolchilarning barchasi mahalliy va yosh yigitlardan tashkil topgan. Faqatgina mahorat bobida biroz omad etishmayapti. Eng asosiysi yigitlarda shijoat bor.

– Meni o'zim ham futbolchilik davrlarimda Jizzaxda o'ynaganman. O'sha vaqtlari ham stadion muxlislar bilan to'lib toshardi. Jizzax xalqi futbolni judayam yaxshi ko'radi. Man o'z shogirdlarimni ham ogohlantirgandim. Stadion muxlislarga to'ladi, hayajonlanmasdan harakat qilinglar, deb. Garchi men raqib jamoa vakili bo'lsam ham muxlislarga havasim keldi. Ularga o'z jamoalarini qo'llab-quvvatlab turganliklari uchun rahmat aytaman.