MTJ. Kecha "Al Nasr" stadionida mashg'ulot o'tkazildi

Bu safar tarkib to'liq ko'rinish oldi. Qatar bilan o'yinda ishtirok etganlarning aksariyati Baxtiyor Ashurmatov bilan ishladilar. Katta ehtimol bilan asosiy tarkibimiz Mirjalol Qosimov qo'l ostida harakat qildi.



Demak, qizillar: Bobur Yo'ldoshev, Egor Krimec, Fozil Musaev, Sardor Rashidov, Islom To'xtaxo'jaev, Farrux Sayfiev, Javlon Ibrohimov, SHuhrat Muhammadiev, Navro'z Alimov va Vohid SHodiev.
Sariqlar: SHavkat Mullajonov, Salim Mustafoev, Akmal SHorahmedov, Anzur Ismoilov, Server Jeparov, Azizbek Haydarov, Odil Ahmedov, Sanjar Tursunov, Temur Kapadze va Igor Sergeev.



Asosiy posbon Ignatiy Nesterov Pyotr Gizimchuk bilan ishladi. Suyunov hamda To'raev yuqoridagi jamoalarga qo'shilib mashg'ulot o'tkazishdi. Undan tashqari darvozabonlarning umumiy mashg'uloti ham o'tkazildi. Mashg'ulotlarda qisqa pas va bir to'p oshirish yo'li bilan raqib jarima maydonchasi ichiga kirib borish borasida ishlanyapti. Qanot futboliga katta ham etibor qaratilmadi.



Mashg'ulot so'nggida odatdagidek, Server Jeparov bir necha marotaba Ignatiy Nesterovni sinab ko'rdi. Ignat esa tabiiyki sinovdan muvaffaqiyatli o'tdi.