MTJ bugun "Jar"da mashg'ulot o'tkazdi

Soat 18:00da boshlangan mashg'ulot bir yarim soat davom etdi. Terma jamoa lageriga "Bunyodkor" hujumchisi Vohid SHodiev ham qo'shilgani haqida xabar berib o'tgandik.

Mashg'ulotda futbolchilarning jismoniy tayyorgarligi bo'yicha Andrey SHipilov ishladi.  Grigoriy Kolosovskiy esa futbolchilarni to'p bilan ishlashini nazorat qildi. Samvel Babayan futbolchilar bilan turli-xil taktik qo'llanmalar ustida ish olib bordi.

Darvozabonlar murabbiyi Anvar Rashidov esa Eldorbek Suyunov, Ignatiy Nesterov va Aleksandr Lobanovni o'z dasturi bo'yicha shug'ullantirdi.

Mashg'ulotlarda futbolchilar ko'tarinki ruhda qatnashishdi.

SHuningdek, mashg'ulotlarda Viktor Jalilov va Ravshan Haydarov Samvel Babayan bilan fikr almashib turishdi. Deyan Jurjevich mashg'ulotni diqqat bilan kuzatib bordi.

Tez orada legionerlarimiz Odil Ahmedov, Sanjar Tursunov hamda Sardor Rashidov ham yig'inga qo'shilishadi.

Bugungi mashg'ulotlarda ishtirok etgan futbolchilar:

Darvozabonlar: Aleksandr Lobanov "Paxtakor", Eldor Suyunov "Nasaf", Ignatiy Nesterov "Lokomotiv".

Himoyachilar: Davron Hoshimov "Paxtakor", Egor Krimec "Paxtakor", Anzur Ismoilov "CHanchun Yatai" (Xitoy), Islom To'xtaxo'jaev "Lokomotiv", SHavkat Mullajonov "Lokomotiv", SHuhrat Muhammadiev "Nasaf"

Yarim himoyachilar: Server Jeparov "Ulsan Xyunday" (J.Koreya), Aziz Haydarov "Al SHabab" (BAA), Fozil Musaev "Sepaxon" (Eron), Stanislav Andreev "Paxtakor", Javohir Sohibov "Paxtakor", Jasur Hasanov "Lokomotiv", Sanjar SHoahmedov "Lokomotiv".

Hujumchilar: Marat Bikmaev "Lokomotiv", Igor Sergeev "Paxtakor", Eldor SHomurodov "Bunyodkor", Vohid SHodiev "Bunyodkor".