Xabaringiz bor, bugun "Tottenxem" APL birinchi turida Anchelotti boshchiligidagi "Everton"ga mag'lub bo'ldi (0:1).
"Shporlar" bosh murabbiyi Joze Mourinyu faoliyatida birinchi marta milliy chempionatning ochilish o'yinida mag'lubiyatga uchradi.
U bungacha mavsum startidagi 18 o'yinlik mag'lubiyatsiz seriyaga ega edi. "Special one" shulardan 11 tasida g'alaba qozongan bo'lsa, 7 tasini durang bilan yakunlagan.
Mourinyu Angliya Premer-ligasidan tashqari Ispaniya, Italiya va Portugaliya chempionatida ishlagan.
