MLS Kubogi finali. Beylning 120+8-daqiqadagi goli jamoasini mag'lubiyatdan qutqardi va chempion penaltilar seriyasida aniqlandi
06 noy 2022 07:40
Yangiliklar

MLS Kubogi finali. Beylning 120+8-daqiqadagi goli jamoasini mag'lubiyatdan qutqardi va chempion penaltilar seriyasida aniqlandi

MLS Kubogi finalida “Filadelfiya Yunion” hamda “Los-Anjeles FK” o'zaro to'qnash keldi.

Uchrashuvning asosiy bo'limida 2:2 hisobi qayd etildi. 120+4-daqiqada Jek Elliot raqib darvozasini ishg'ol etib, “Filadelfiya Yunion”ga g'alaba keltirishga yaqindek ko'ringandi. Ammo zaxiradan o'yinga qo'shilgan Garet Beyl 120+8-daqiqada Diego Palasiosning qanotdan uzatgan to'pini boshi bilan raqib darvozasiga joylab qo'ydi. SHu tariqa, g'olib nomi penaltilar seriyasida aniqlandi. Unda “Los-Anjeles FK” omadli chiqdi va 3:0 hisobida zafar quchib, bosh sovrin egasiga aylandi.

Avvalroq, Karlos Vela, Jorjio Kellini, Garet Beyl va Kristian Telo kabi ko'pchilikka tanish futbolchilar ega jamoa MLS mavsumiy turniri g'olibligini qo'lga kiritgandi.