Mixail Laudrup: "Soriya kutilmaganda jarohat oldi va Toshkentga kelmadi"

Murabbiyga yarim himoyachi Vladimir Vayss hamrohlik qildi.

"Qiziqarli va qiyin o'yin kutayapmiz. "Bunyodkor"ning 3ta o'yinini ko'rib chiqdik. Raqibni yaxshi o'rgandik. Ertaga yaxshi o'yin bo'lsa kerak. Ertangi o'yin biz uchun ham Qatar uchun ham juda muhim", - deb gap boshladi Laudrup.

Vladimir Vays: "Osiyo chempionlar ligasi qiyin musobqada hisoblanadi. Ushbu turnirning darajasi juda yuqori. Jamoamiz bosh murabbiyini gapiga to'liq qo'shilaman. "Bunyodkor" ham ancha kuchli jamoa. Ertaga chiroyli o'yin ko'rsatib, g'alaba qozonamiz deb umid qilaman".

- Ertaga jamoaingiz "Bunyodkor"ni mag'lub etish uchun hujumkor o'yin namoyish eta oladimi?
- Oldinda 4ta o'yin bor. Har bir o'yinda g'alabaga erishishga urinamiz.

- Qatar chempionatidagi oxirgi o'yinda Sebastyan Soriyani 20-daqiqada almashtirdingiz. Bunga nima sabab bo'ldi?
- Afsuski hujumchi o'sha o'yinda jarohat oldi va malum muddatga safdan chiqdi. U Toshkentga kelgani yo'q.

- "Lahviya"ning asosiy maqsadi nima: OCHLda guruhdan chiqishmi yoki Qatar chempioni bo'lishmi?
- Men Qatarda chempion bo'lishni istardim. Sababi sovrin yutamiz va keyingi yil OCHLda o'ynaymiz.

- Siz o'z vaqtida Rossiyada "Spartak"da ishlagansiz. Rossiya va O'zbek futbolini taqqoslab ko'rdingizmi?
- "Bunyodkor" va "Spartak"ni solishtirish mumkin. Ikkala jamoa ham kuchli futbol namoyish etadi.

- Siz o'tgan yil yozda "Lahviya" bilan bir yillik shartnoma tuzgansiz. Uni uzaytirasizmi?
- Yozda rasman klub bilan shartnomam tugaydi. Bu masalani may oyida ko'rib chiqamiz.

- Bugun yurtimizga tashrif buyurdinglar va o'yindan so'ng tezda yana qaytib ketasizlar. Bu narsa jamoaga qo'shimcha bosim yuklamaydimi?
Vladimir Vayss: - Bu narsa muhim ahamiyatga ega deya olmayman. Hech qanday qo'shimcha bosim his qilmayapman. Hammasi joyida.


SHahboz Beg'amov