Mirzohid G'ofurov: "Sobiq jamoaga qarshi o'ynash doimo og'ir kechadi"
08 apr 2017 13:35
Yangiliklar

Mirzohid G'ofurov: "Sobiq jamoaga qarshi o'ynash doimo og'ir kechadi"

Kecha bo'lib o'tgan "Navbahor" - "Mashal" uchrashuvidan so'ng mezbonlar yarim himoyachisi Mirzohid G'ofurov o'yin to'g'risida o'z fikrlari bilan o'rtoqlashishdi.

"Sobiq jamoaga qarshi o'ynash doimo og'ir kechadi. Bir tarafdan "Mashal"da ko'p yillar to'p tepgan bo'lsam, ikkinchi tomondan esa o'zimning ona shahrim sharafi turibdi. Ichimdan turli xissiyotlar o'tdi. Lekin futbolchi professional bo'lishi kerak. CHunki yashil maydonga tushgandan so'ng sobiq jamoangiz ham raqibga aylanadi. Maydondan tashqarida esa yana qadrdonchilik davom ettiriladi. Professional darajada o'ynaydigan futbolchi o'zini doimo shunday tutishi zarur. Gol urganimda nishonlarmidim? Qiyin savol bo'ldi. Nazarimda ikki tarafni ham ranjitmagan xolda meyorida xursandchilik qilgan bo'lar edim", - dedi G'ofurov.