Mirjamol Qosimov: "Har safar "Nasaf" jamoasiga qarshi o'yinlar qiyin bo'lib kelgan"

Ushbu turda Toshkentning "Bunyodkor" jamoasi o'z uyida Qarshining "Nasaf" jamoasini qabul qildi va 2:1 hisobida g'alaba qozondi. Uchrashuv yakunlanganidan so'ng "Bunyodkor" jamoasi futbolchisi Mirjamol Qosimov o'z fikrlarini bildirib o'tdi.

"Har safar "Nasaf" jamoasiga qarshi o'yinlar qiyin bo'lib kelgan. SHuncha muxlislar kelib bizni qo'llab-quvvatlagani uchun ularga katta rahmat aytaman. Ularning ko'magida biz g'alaba qozondik. Bundan avval ketma-ket 3ta o'yinda mag'lub bo'ldik. Biz faqat g'alaba qozonish uchun harakat qildik. "Nasaf" jamoasi har doim iliq taassurot qoldirgan. Ushbu o'yindagi g'alaba jamoviy o'yin evaziga qo'lga kiritildi", - deydi Mirjamol Qosimov