Mirjalol Qosimov: “Yuzaga kelgan vaziyatlardan foydalana olmadik”
30 apr 2018 21:05
Yangiliklar

Mirjalol Qosimov: “Yuzaga kelgan vaziyatlardan foydalana olmadik”

“Qo'qon-1912” – “Bunyodkor” uchrashuvidan keyingi matbuot anjumanining birinchi qismida mehmonlar ustozi Mirjalol Qosimov va Islom Qobilovlar ishtirok etishdi.

Mirjalol Qosimov: Avvalo, “Qo'qon-1912” jamoasini g'alaba bilan tabriklayman. Bugungi o'yin kurashlarga boy va muxlislarbop bo'ldi. Bugungi o'yinga yaxshi niyatlar bilan kelgandik. G'alaba qozonish uchun harakat qildik. Ammo yuzaga kelgan vaziyatlardan foydalana olmadik. Durang bizni qoniqtirmasligi bois hujumga zo'r berdik. Mag'lubiyatga uchragan bo'lsak-da, ishlashda davom etamiz.

Islom Qobilov: Murabiymiz aytgandek, muxlislarbop o'yin bo'ldi. Vaziyatlardan foydalana olmadik. Futbolda shunday sen urmasang-senga urishadi. Himoyadagi birgina xato qimmatga tushdi.