Mirjalol Qosimov: "O'zbekiston kubogida ham oldimizga oliy maqsad qo'yganmiz"
05 apr 2023 13:26
Yangiliklar

Mirjalol Qosimov: "O'zbekiston kubogida ham oldimizga oliy maqsad qo'yganmiz"

Teglar : O'zbekiston Kubogi "G'ijduvon"Mirjalol Qosimov OKMK

OKMK bosh murabbiyi Mirjalol Qosimov O'zbekiston kubogi guruh bosqichidan o'rin olgan "G'ijduvon"ga qarshi (5:0) uchrashuvdan so'ng fikrlarini bildirdi.

"O'yin haqida nima deyish mumkin? O'zbekiston kubogi boshqa musobaqa. "G'ijduvon" bilan birinchi bo'limda oson bo'lgani yo'q. O'yin amaliyoti kamroq bo'lgan futbolchilarga imkon berdik. O'ylaymanki, yomon harakat qilishgani yo'q. Boz ustiga ajoyib majmuada, qulay ob-havoda futbolchilar ham zavqlanib to'p tepishdi",- deydi Mirjalol Qosimov.

- Uchrashuv boshida OKMK futbolchilari raqibni mensimagandek ko'rindi...
- Unday demagan bo'lardim. Qanday raqib bo'lishidan qatiy nazar hurmat qilish kerak. Lekin birinchi bo'limda harakat qilishdi. Qolaversa, "G'ijduvon" futbolchilari ham futbol o'ynashni biladi.

- Jamoa oldiga O'zbekiston kubogida maqsad qo'yilganmi?
- Biz doim oldimizga oliy maqsad qo'yamiz. Avvalo muxlislar uchun, ularga yoqadigan o'yin ko'rsatishni istaymiz. Har bir uchrashuvda g'alaba uchun maydonga chiqamiz.