Mirjalol Qosimov: "Bunyodkor"ni qarshi hujumlarda ushladik"

Ushbu natija sabab AGMK ketma-ket ikkinchi yil Kubok finaliga yo'l oldi. O'yindan keyingi matbuot anjumanida olmaliqliklar bosh murabbiyi Mirjalol Qosimovning fikrlari quyidagicha bo'ldi. 

- Juda muhim o'yinni o'tkazdik. Raqib "Bunyodkor" edi, shunga qaramay finalga chiqish uchun bor kuchni ishga soldik. Raqibni asosan qarshi hujumlarda jazoladik. Finalgacha bir qadam qolgandi va buni amallaganimizdan xursandmiz. Men bir narsani xohlayman: jamoam doim barqaror o'yin ko'rsatishini. Sekin-asta shunga qarab boryapmiz ham, - deydi Mirjalol Qo'shoqovich.  

- Negadir AGMK kuchli jamoalarni mag'lub etib, kuchsizlarga yutqazib qo'yayotgandek? 

- Futbol til bilan o'ynalmaydi. Yutish uchun ko'proq mehnat qilib, shuningdek hech bir jamoani kamsitmaslik lozim. Futbolda syurprizlar bo'lib turadi. Asosiysi har bir bahsdan kerakli xulosani chiqarish.