Mirabror Usmonov: Mamlakatimizda futbol jadallik bilan rivojlanmoqda

O'FF prezidenti dastlab o'zbek futbolining bugungi kuni haqida so'z yuritdi va mamlakatda futbol jadallik bilan rivojlanayotgani haqida so'z yuritdi: Bugungi kunda futbolimiz rivojlanib bormoqda. Futbolimizga xukumat darajasida etibor qaratilishi samarasi o'laroq, shu kunga qadar 12 ta barcha sharoitlarga va zamonaviy talablarga javob beradigan futbol maktablari ochildi. Ayni paytda 14 ta yosh toifasidagi terma jamoalarimiz faoliyat yuritishmoqda. Bularning barchasi o'z-o'zidan bo'lib qolmaydi. Futbolimizga xukumat darajasida etibor qaratilishiga ko'plab mamlakatlarda havas qilishadi. FIFA mutasaddilari ham yurtimizda amalga oshirilayotgan ishlarga qoyil qolishmoqda. Negaki, futbolimizni rivojlanishi va uning poydevori uchun o'tgan vaqt davomida juda katta mablag' sarflandi, - deydi Mirabror Usmonov.

O'FF prezidenti Oliy Liganing muntazam ishtirokchisi, Navbahor jamoasining bugungi kundagi moliyaviy ahvoli va homiylik xususida, shuningdek, Oliy Liga o'yinlaridagi hakamlik to'g'risida ham o'z fikrlarini bildirdi.

Bugungi kunda hakamlik borasida bir qator yutuqlarni ham qo'lga kiritmoqdamiz. Buning samarasi o'laroq yurtimizda FIFA hakamlarining soni ortib bormoqda. Hozirda ularning soni 10 nafarga etgan. Bular orasida Ravshan Ermatovni alohida tilga olish mumkin. Ermatovni jahon chempionatining ochilish uchrashuvini boshqarishga erishganligini o'ziyoq mehnatlarimiz samarasidan darak berib turibdi. Axir, so'nggi paytlarda qaysi MDH davlatlarining hakamlari bu kabi natijani qayd etishdi? Hakamlarning bahosi xususida juda yaxshi taklif bildirildi. Bu haqda gapiradigan bo'lsam, hakamlar bahosini hech kim bilmasligi rost. Keyingi o'yinlardan boshlab Oliy Liga hakamlar xujjatidan ko'chirmaga ularni nazoratchi tomonidan qanday bahoga loyiq ko'rilganliklarini ham elon qilamiz, - dedi O'FF prezidenti.

Navbahor klubi rahbariyati, murabbiylar va futbolchilar bilan bo'lib o'tgan uchrashuv yakuniga etgach, bosh murabbiy Baxtiyor Ashurmatov hamda mahoratli himoyachi Yuriy Rijkolar Navbahor jamoasi azolari nomidan O'FF prezidentiga futbolchilar imzosi tushirilgan to'p hamda Usmonov familyasi yozilgan Navbahor futbolkasini sovg'a qilishdi. SHu bilan birgalikda, jamoa ishqibozlari ham o'z nomlaridan Mirabror Usmonovga maxsus sovg'alarini va tashakkurnomani taqdim etishdi.