Milan Mitrovich: "So'g'diyona" kecha oxirgi daqiqalarda ko'rsatgan o'yinini qilishi kerak"

Uchrashuv davomida mezbonlar yani "Bunyodkor" jamoasi katta ustunlikka ega bo'ldi. "Qaldirg'ochlar" Milan Mitrovich darvozasi oldida bir qancha keskin vaziyatlar yaratishdi. Biroq ularning golga aylanishiga serbiyalik posbon yo'l qo'ymadi. Qaysidir manoda ushbu o'yin qahramoni Mitrovich bo'ldi, desak yanglishmaymiz. Uchrashuvdan so'ng uning fikrlari bilan qizidik. 

"Mavsumning ilk o'yini doim ruhiy jihatdan qiyin o'tadi. Garchi jismonan va taktik tomondan tayyor bo'lsangiz ham maydonda hissiyotlar rol o'ynaydi. Etibor bergan bo'lsangiz, uchrashuvni juda yaxshi boshladik. 2ta juda yaxshi vaziyatdan foydalanganimizda balki o'yinning borishi o'zgarib ketardi. Keyingi daqiqalarda bilmadim, nima uchundir bahs nazorati "Bunyodkor" tomoniga o'tib ketdi. Bizning bo'shashimiz va orqada o'ynashimiz raqibga ustunlik berdi. Mana shu pallada ketma-ket hujumlardan so'ng "Bunyodkor" futbolchilarida ishonch paydo bo'ldi.  Bu - "So'g'diyona"ning o'yini emas, biz har bir uchrashuvda kecha oxirgi daqiqalarda ko'rsatgan o'yinimizni qilishimiz kerak. 

Ikki jamoa ham vaziyatlardan samara chiqara olmaganini inobatga olganda, durang adolatli natija. Maqsadimiz kuchli uchlikka kirish",- deydi kiper. 

Superliga. "Bunyodkor" Toshkentda "So'g'diyona" bilan kechgan uchrashuvda nursiz durangga imzo chekdi