Milan Mitrovich: "Bunyodkor"ga qarshi o'yin shuni ko'rsatdiki, futbol 90 daqiqadan keyin ham o'ynaladi"

Bellashuv yakunlangach, mehmonlar posboni Milan Mitrovichning bahsdan taassurotlari bilan qiziqdik.

"O'yin shunday tempda o'ttiki, bitta gol o'tkazib yuborsak, barchasi o'zgarib ketishi mumkin edi. Birinchi goldan keyin bo'shashib qolmadik va tanaffusgacha ikkinchi golni urdik. "Bunyodkor"ga qarshi o'yin shuni ko'rsatdiki, futbolni 90 daqiqadan keyin ham o'ynaladi. Oxirigacha kurashmasangiz jazolanasiz. Bizning maqsadimiz bor. Bu uch ochkoning qadri baland bo'ladi. 

Ivan Boshkovich "Bunyodkor"ga qarshi qanday o'ynash kerakligini har bir mashg'ulotda tushuntirdi. Raqibning kuchli va kuchsiz tomonlari, futbolchilarini o'rgandik. 

"So'g'diyona"ga kelgan yangi futbolchilar bilan yaxshi chiqishib ketdik. Ular ham chiroyli o'yin ko'rsatishga harakat qilishyapti. 

Lyupche Doriev nima uchun kelganini hali isbotlaydi. O'ylaymanki, o'zini ko'rsata oladi. Murabbiylar uni bejiz taklif qilishmagan", - deydi Milan Mitrovich. 

Abdulaziz Iskandarov yozib oldi