"Milan" "CAFA Nation's Cup-2023"da ishtirok etadigan futbolchini sotib olmoqchi

Malumotlarga ko'ra, "rossoneri"larning asosiy maqsadi Markus Tyuram bo'lib turibdi. Menxengladbaxning "Borussiya" klubini erkin agent sifatida tark etayotgan futbolchida PSJdan taklif bor.

"Milan"dagilar Tyuram qarorini kutishmoqda: Agar u PSJga rad javobini berib, Italiya klubiga o'tsa, yangi mavsumda jamoa u va Rafael Leao atrofida quriladi. Markus rad javobini bersa, "Milan"da boshqa variantlar mavjud.

"Rossoneri"lar Eldor SHomurodovning sobiq jamoadoshi, ayni damda "Vest Xem" sharafini himoya qilayotgan Janluka Skamakkaga qiziqish bildirmoqda. Klub vakillari futbolchi bilan bog'lanishgan, u "Milan"ga ijara asosida o'tishi mumkin.

SHu bilan birga "Milan" Eron terma jamoasi safida "CAFA Nation's Cup-2023" turnirida ishtirok etadigan, so'nggi mavsum Portugaliya chempionati to'purari bo'lgan "Portu" hujumchisi Mehdi Taremiga ham qiziqmoqda. Portugaliya klubi o'z futbolchisini sotish niyatida emas, biroq 1 yildan so'ng u erkin agentga aylanadi.