Mikael Sekeyra: "Tantashev - O'zbekistonning eng yaxshi hakamlaridan biri"

- "Lokomotiv"dan ajoyib o'yin bo'ldi. Bir soat davomida 10 kishi bo'lib o'ynadik. Ammo bu o'yin davomida sezilmadi. Pressingda o'ynashga harakat qildik. Hujumda 10 kishi bo'lib o'ynagan bo'lsak, himoyada ham shunday bo'lishga harakat qildik. Futbolchilarimdan irodali o'yin bo'ldi. Umuman olganda bosimga boy, yaxshi o'yin o'tdi. "Metallurg" tarkibida ham yaxshi futbolchilar juda ko'p. Azizning golida butun bir jamoa chiroyli o'ynadi. Biz juda xursandmiz. "Lokomotiv" muxlislari, xodimlari, barcha ushbu g'alabadan xursand bo'ldi. Adolatli g'alabaga erishdik. Ushbu o'yin orqali biz nafaqat uch ochko oldik, balki, kelajakka katta ishonch bilan qaray boshlayapmiz.

- Bir xil vaziyat. Abdujalilovga berilgan qizil kartochka Vaginga ham berilishi kerak edi. Bunga nima deya olasiz?
- Bu haqida hech nima demayman. Ushbu hakamni oldin ham aytganman, O'zbekistondagi eng yaxshi hakam. U doimo xotirjam ishlaydi. Bu vaziyat uchun etirozim yo'q.

- Kecha "Loko"ning yoshlar jamoasi ham g'alabaga erishdi. Umuman olganda yoshlar tarkibidan kimlarni asosiy tarkibda o'ynatsa bo'ladi?
- Yoshlar jamoamiz tarkibida ham yaxshi futbolchilar bor. Ular doimo biz bilan birga mashg'ulot olib boradi. Faqat hamma o'z vaqtini kutishi kerak. "Lokomotiv" yoshlar tarkibidan ham ko'plab zo'r futbolchilar chiqadi.