“Metallurg-W”: safardagi uchinchi g'alaba!
21 may 2015 15:44
Yangiliklar
![](https://championat.asia/upload/storage/172887_original.jpg)
![](/upload/storage/172887_220.jpg)
“Metallurg-W”: safardagi uchinchi g'alaba!
G'uzorda “SHo'rtan-ledi” mehmoni bo'lgan SHerali Boboqulov shogirdlari mezbonlar darvozasiga javobsiz 10(!!!) ta to'p kiritishdi.
Bu yilgi taqvim bekobodliklar uchun biroz g'ayritabiiy tuzilganligi rosti ajablanarli. Kuzatib kelayotganingizdek, “Metallurg-W” avvaliga Olmaliqda, keyin Buxoroda o'ynadi. Mana endi jamoamiz bugun G'uzordan ortda qaytayapti. Bekobodda olti kun bo'lishgach, yana safarga yo'l olishadi. 4-turni “Metallurg-W” qizlari Xorazmda “To'maris”ga qarshi, 5-turni esa Navoiyda “Guli”ga qarshi o'tkazadi. Bekobodlik ishqibozlar esa jamoamiz o'yinini faqatgina 6- va 7-turlardan etiboran o'z maydonimizda kuzatishga muvaffaq bo'lishadi. 4 va 7 iyun kunlari Qashqadaryoning ikki etakchi jamoasi – “Mashal” va o'n karra mamlakat chempioni “Sevinch” mehmonimiz bo'ladi.
Endi bevosita oxirgi uchrashuvimizga to'xtaladigan bo'lsak, o'yin qizlarimizning to'liq ustunligi ostida o'tdi. Ayniqsa tajribali Nargiza Abdurasulovani shu kuni to'xtatishning imkonini mezbonlar topa olishmadi. Maydon markazini to'liq o'z nazoratiga olgan Mahfuza Turopova esa hujum chizig'i vakillarini o'z vaqtida to'p bilan taminlab turganligini ham aytib o'tish joiz. O'z navbatida mezbonlarning kam sonli uyushtirgan hujumlarini esa himoyachilarimiz va darvozabonlarimiz ishonchli qaytarib turishdi.
Jamoa bosh murabbiyi SHerali Boboqulov ortda qolgan uchrashuvlarga to'xtalar ekan “Raqiblarimiz u qadar jiddiy emasdi. Asosiy o'yinlar hali oldinda turibdi. To'rtinchi va beshinchi turdagi safar o'yinlarimizdan etiboran raqiblar ham kuchayib boraveradi. Mazkur o'yinlar orqali tarkibni o'z maydonimizda bo'ladigan jiddiy uchrashuvlarga sayqallashtirib borayapmiz”, deydi.
“SHo'rtan-ledi”ga qarshi uchrashuvni “Metallurg-W” quyidagi tarkibda o'tkazdi:
“SHo'rtan-ledi” – “Metallurg-W” – 0:10. G'uzor. 2015 yil 20 may. 3-tur.
“Metallurg-W”:Gulandom Boymatova, Yulduz Nabieva, Xolida Dadaboeva, SHodiya Tosheva, Nozima Kamoltoeva, Mahfuza Turopova, Iroda Turdalieva, Mavluda Munavvarova, Dildora Nozimova, Nargiza Abdurasulova, Lyudmila Karachik.
Zahiradan maydonga tushganlar: Albina Belyalova, Nodira Mo'ydinova, Mohigul Ikromova, Nasiba Hojieva, Alina Demyanenko.
Gollar:Nargiza Abdurasulova (4 ta), Lyudmila Karachik (2 ta), Mavluda Munavvarova (2 ta), Mahfuza Turopova, Nodira Mo'ydinova.
Turning qolgan uchrashuvlarida qayd etilgan uchrashuvlar nitajasi va musobaqa jadvali bilan tanishing:
“Andijanka” – “To'maris” – 6:0 (G.Hasanova-4ta, O.Yoqubova-2ta), “Neftchi” – “Guli” – 1:2 (G.Yusupova – U.To'xtaeva-2ta), “Lokomotiv” – “Mashal” – 1:4 (N.Jumaniyozova – F.Boboxo'jaeva, G.Amirova-2ta, SH.Qurbonova), “Bunyodkor” – “Sevinch” – 0:2 (Z.Jo'raeva-2ta), “Buxoro” – “Olmaliq” – 0:1 (O.Tojiboeva).
21 maygacha bo'lgan musobaqa jadvali
# | Jamoalar | O' | YU | D | M | T-N | O |
1. | “Metallurg” | 3 | 3 | 0 | 0 | 24-0 | 9 |
2. | “Sevinch” | 3 | 3 | 0 | 0 | 9-2 | 9 |
3. | “Andijanka” | 2 | 2 | 0 | 0 | 9-0 | 6 |
4. | “Guli” | 2 | 2 | 0 | 0 | 6-1 | 6 |
5. | “Mashal” | 3 | 2 | 0 | 1 | 8-5 | 6 |
6. | “Olmaliq” | 3 | 2 | 0 | 1 | 3-7 | 6 |
7. | “Bunyodkor” | 3 | 1 | 0 | 2 | 7-4 | 3 |
8. | “Neftchi” | 3 | 1 | 0 | 2 | 2-5 | 3 |
9. | “Buxoro” | 3 | 1 | 0 | 2 | 2-8 | 3 |
10. | “To'maris” | 3 | 0 | 0 | 3 | 0-11 | 0 |
11. | “Lokomotiv” | 3 | 0 | 0 | 3 | 1-14 | 0 |
12. | “SHo'rtan-ledi” | 3 | 0 | 0 | 3 | 0-14 | 0 |
To'purarlar:
Lyudmila Karachik (“Metallurg”) – 12
Gulirano Hasanova (“Andijanka”) – 7
Zebo Jo'raeva (“Sevinch”), Nargiza Abdurasulova (“Metallurg”) – 5 tadan.
![AMP Logo](https://championat.asia/image/logo-amp.png)
Fikrlar