Bu haqda "La Gazzetta dello Sport" ma'lumot berdi.
Manbaga ko'ra, ingliz klubi futbolchining otasi, uning agenti Milosh Vlaxovich bilan muzokaralar olib bormoqda. 26 yoshli serbiyalik futbolchiga "Chelsi"dan tashqari "Bavariya", "Barselona" va "Nyukasl" qiziqish bildirmoqda.
Avvalroq "Yuventus" futbol strategiyasi direktori Jorjo Kellini klub Vlaxovichning iyun oxirigacha amal qiladigan shartnomasini uzaytirmasligini tasdiqlagandi.
Vlaxovich "Yuventus"ga 2022 yilda "Fiorentina"dan kelib qo'shilgan. Hujumchi 2025/26 yilgi mavsum Turin jamoasi safida 23 o'yinda 10 ta gol urdi va 2 ta golli pas uzatdi.
