“Metallurg”: Ko'rik uchrashuvida “Buxoro”ga imkoniyat boy berildi

 Bu uchrashuvning dastlabki taymida Rustam Mirsodiqov biroz eksperemental tarkibni sinovdan o'tkazdi. Himoya va yarim himoya chizig'idagi “yangilik”ka futbolchilar to'liq moslashisholmadi va buxoroliklarning ikki tezkor hujumi Mamur Ikromov qo'riqlayotgan darvozaning ishg'ol etilishi bilan yakunlandi. Bundan tashqari hujum chizig'ida O'zbekiston milliy terma jamoasiga chaqirilgan SHahzodbek Nurmatovning yo'qligi ham bilindi.

“Metallurg” o'yinni quyidagi tarkibda boshladi: Mamur Ikromov, Saidkomil Akbarov, Hikmat Hoshimov, Mirg'iyos Sulaymonov, Alisher Ziyovuddinov, SHuhrat Yo'ldoshev, Sunnatilla Mamadaliev, Maruf Murodov, SHohnazar Norbekov, Zohid Abdullaev.

O'yin yakunida zahiradan maydonga tushganlar: Doniyor Odilov, Said Abdujabborov, Dilmurod Karimov, Davronbek Karimqulov, Nozimjon Esonov, Mirto'ra Akbarov.

“Metallurg” navbatdagi o'yinni 24 iyul kuni Osiyo o'yinlariga tayyorgarlik ko'rayotgan O'zbekiston terma jamoasiga qarshi o'tkazadi. O'z navbatida ertaga “Metallurg”ning yoshlar tarkibi Yangier shahrida “Mashal” jamoasi bilan kuch sinashishini ham aytib o'tmoqchimiz.