"Metallurg": Birinchi ko'rik uchrashuvida imkoniyat boy berildi
13 jan 2015 18:03
Yangiliklar
"Metallurg": Birinchi ko'rik uchrashuvida imkoniyat boy berildi
O'yin paxtakorchilarning Qibraydagi o'quv-mashg'ulot maskanida bo'lib o'tdi.
Uchrashuvning birinchi taymi amaldagi chempionning ustunligi ostida o'tdi. Dastavval qanot yarim himoyachisi Alibobo Rahmatullaevning pasidan keyin Masharipov hisobni ochishga muvaffaq bo'lgandi. Ikkinchi golni esa bekobodliklar o'zlari “tashkil etib” berishdi. Himoyachi to'pni boshi bilan darvozabonga qaytargandi. Suhrob Sultonov to'pga chiqishda kechikdi va bundan unumli foydalangan Bahodir Pardaev farqni oshirdi.
Bekobodliklar ikkinchi taymga kelgandagini o'z o'yinlarini topib olishdi va javob to'pini kiritish uchun vaziyatlar sodir eta boshlashdi. Avvaliga Alisher Ziyovuddinovda yaxshi imkoniyat bo'lgandi. Ammo “Metallurg” yarim himoyachisi undan foydalana olmadi. Biroz o'tgach Alisher jamoasining yana bir hujumini boshlab berdi. Yosh hujumchilardan Sunnat Ermatov jarima maydoniga yorib kirayotgan Mirto'ra Akbarovga uzatdi. Paxtakorchilar posboni Akbarovni qo'pollik bilan to'xtatib qolganligi uchun penalti belgilandi va penaltini Alisher Ziyovuddinov bexato amalga oshirib, hisobdagi farqni qisqartirishdi.
“Metallurg” bu uchrashuvni quyidagi tarkibda o'tkazdi:
1-taym: Suhrobjon Sultonov, Hikmat Hoshimov, Jasur Ahmedov, Doniyor Odilov,Davron Karimqulov, Dilmurod Karimov, Ayubxon No'monov, SHohnazar Norbekov, Ruslan Vagapov, Said Abdujabborov, Zohid Abdullaev.
2-taym: Suhrob Sultonov, Saidkomil Akbarov, Javlon Mirabdullaev, Nozim Esonov, Aleksandr Kovalev, Mirg'iyos Sulaymonov, Alisher Ziyovuddinov, Sardor Rasulov, Arslon Sultonov, Sunnat Ermatov, Mirto'ra Akbarov.
“Metallurg” keyingi nazorat uchrashuvlarini “Bunyodkor” va “Olmaliq” jamoalariga qarshi o'tkazadi.
Fikrlar