Mbappening tekinga "Real Madrid"ga o'tishi xomxayol

"Real" 22 yoshli francuzni bu yil yozda 200 million evro taklif qilgan bo'lsada, sotib ololmadi.

Endi Madrid klubi Mbappeni keyingi yoz erkin agent maqomida qo'lga kiritmoqchi, ammo klubdagilar bu variantda ham yaxshigina xarajat qilish zarurligini tushunib turishibdi. 

"Real" futbolchiga tarixdagi eng katta transfer bonusi to'lashga to'g'ri kelishi mumkinligini taxmin qilmoqda. Aniq raqamlarni topish mushkul, ammo vaziyatga yaqin manbaalarning aytishicha, Kilianning erkin agent sifatida "Qirollik klubi"ga ko'chib o'tishi 80 million evroga – bu summaga bonuslar va komissiya pullari kiradi, tushishi kutilmoqda.

Biroq bu vaziyatda PSJ o'zini qanday tutishi nomalum. Klub etakchilaridan birini shunchaki qo'yib yuborishni istamasligi turgan gap. Hozirgi vaqtga kelib, Mbappe shartnomani uzaytirish borasida 6ta taklifni rad etdi.