Mbappening azaliy orzusi ushaldi

Futbolchining aytishicha, "Santyago Bernabeu"da o'ynash uning uzoq yillik orzusi bo'lgan.

"Santyago Bernabeu"dagi debyutimdan juda xursandman. Biz g'alaba qozonib, uch ochko oldik, bu ajoyib oqshom edi.

Muxlislar zo'r qo'llab-quvvatladilar. Hammaga rahmat. Bu etiborga molik lahza bo'ldi, biz birinchi uy uchrashuvida g'alaba qozonishni xohlagandik va shunga erishdik. Bundan keyin ham ko'plab yutuqlarga erishish niyatidamiz.

O'zimni qanday his etdim? Yaxshi. Albatta, "Real" uchun "Santyago Bernabeu"da o'ynash mening orzum edi. Endi biz yanada ko'prog'iga intilamiz. Payshanba kuni navbatdagi o'yinimiz bor va biz yana g'alaba qozonamiz", – dedi Mbappe.

"Qaymoqranglilar" Ispaniya chempionatining 2-turida  "Valyadolid"ni qabul qilib, 3:0 hisobida zafar quchdi. Mbappe samarali harakati bilan ajralib turmadi.

"Real"ning navbatdagi o'yini 30 avgust kuni "Las Palmas"ga qarshi bo'lib o'tadi. Uchrashuv Toshkent vaqti bilan 00:30 da boshlanadi.