Maurisio Pochettino: “Bu “Tottenxem”ning mavsumdagi eng yaxshi o'yini edi”

“O'yindan mamnuman, biz o'yinni oxirigacha raqibdan ustun bo'ldik, ammo natija g'alati bo'ldi. Bu mavsumdagi eng yaxshi o'yinimiz bo'ldi, deb hisoblayman. O'yindan xursandman, biroq natijadan xafaman, sababi biz ko'prog'iga loyiq edik, ammo ikkita vaziyatda 2 ta gol o'tkazib yubordik. “Inter”ning birinchi goliga qadar o'yin bizning nazoratimizda edi. Ammo biz gol qo'yib yubordik. Bundan so'ng esa “San Siro”ga o'xshagan stadionlarda hamma narsa ro'y berishi mumkin. Biz xato qildik va buning uchun tovon to'ladik. Bu futbol, ishlashda davom etish kerak va keyingi o'yinlarda g'alaba qozonishga harakat qilish lozim”,—deydi Pochettino.