Mate Vatsadze: "Mavsum yakunida "Qizilqum"ni qaysi o'rinda ko'ramiz? Bu xaqida gapirishga hali erta"
04 avg 2021 11:00
Yangiliklar
![](https://championat.asia/upload/storage/651157_original.jpg)
![](/upload/storage/651157_220.jpg)
Mate Vatsadze: "Mavsum yakunida "Qizilqum"ni qaysi o'rinda ko'ramiz? Bu xaqida gapirishga hali erta"
Ushbu uchrashuvda "Qizilqum"ning birinchi goliga gruzilik hujumchi Mate Vatsadze mualliflik qildi. Futbolchi darhaqiqat nozik harakatlar bilan Aleksandr Lobanov qo'riqlayotgan darvozani ishg'ol qildi. Biz esa o'yindan so'ng Vatsadzening fikrlari bilan qiziqdik.
"Birinchi bo'limda jismoniy va ruhiy jihatdan yaxshi harakat qila oldik. Raqib safida yaxshi saviyadagi yosh futbolchilar yig'ilgandi. Ular o'yinni o'zgartirib yubora olardilar. Lekin biz bunga yo'l qo'ymadik. Ikkinchi bo'limni biz yaxshi boshladik va ikkita gol urdik. "Metallurg"ni o'z maydonida hujumkor o'ynashini bilardik. Ularning kuchli tomonlarini zararsizlantirishga urindik. Eng asosiysi g'alaba biz tomonimizda bo'ldi. Muhimi shu.
Bevosita golimga kelsak, qaysidir manoda omad ham kulib boqdi. CHiroyli gol urganimdan xursandman. SHuningdek golga assistentlik qilgan jamoadoshimga ham rahmat aytaman. Bilsangiz "Qizilqum"da ahil jamoa yig'ilgan. Murabbiylar shtabi har bir o'yinga munosib tayyorlashmoqda. Maydonda bor kuchimizni ko'rsatishga harakat qilmoqdamiz. Ijobiy natijalarning siri shunda. Mavsum yakunida qaysi o'rinlarni egallashimiz haqida gapirishga erta, deb o'ylayman. Bu yil chempionatda ko'p jamoalar yuqori o'rinlar sari intilishmoqda. Raqobat kuchli, degan bo'lardim. Biz qo'limizdan kelgan barcha ishni qilamiz. Hozir hammasi yaxshi ketmoqda. Qolganini vaqt o'tgach bilib olaveramiz",- deydi Mate Vatsadze.
Super gollar urilgan bahsda "Qizilqum" "Metallurg"ni mag'lub etdi
O’xshash yangiliklar
![AMP Logo](https://championat.asia/image/logo-amp.png)
Fikrlar