Matbuot kotibiga etiborsiz klublar loyihasiga marhamat!

Bu loyihamizni amalga oshirishdan asosiy maqsad, oliy liga klublaridagi matbuot kotiblarining klub va muxlislar oldidagi o'rnini ko'tarish. Matbuot kotibi ham klubning bir bo'lagi va u bo'lmasa, klubning faoliyatidan ne naf? Axir matbuot kotibi emasmi, klub bilan muxlis o'rtasidagi vositachi. 

Oliy liga 1-turida quyidagi o'yinlar bo'lib o'tdi:

Yuqorida (+) qayd etilgan jamoalarning matbuot kotiblari o'yinda ishtirok etganlar. (-) ko'rsatilgan klub vakillari esa o'yinda qatnashmadilar. "Buxoro" o'z tarixida hali biron marotaba matbuot kotibini safar o'yiniga olib bormagan. "Andijon" esa bu ishni doimiy amalga oshirmaydi. Natijada muxlislar va sayt o'rtasida bazi muammolar kelib chiqyapti. "Neftchi" ishtirokidagi matbuot anjumanlari esa hech qaerda chop etilmadi. Bu borada "Neftchi"da ham kerakli ishlarni amalga oshirish lozim. O'ylaymizki, keyingi turlarda bu muammo bartaraf etiladi. 

Bu loyihani har tur davomida amalga oshirib boramiz. Keyinchalik nafaqat o'yinga borgan yoki bormaganligi, balki klub tomonidan rasmiy liboslarni kiyganligi, kerakli texnika jihozlari bilan taminlangani borasida ham aniq malumot berib boramiz. Zora klub rahbarlari uyalganidan ham matbuot kotiblari uchun sharoitni yaratib bersa. 

Bazi klub matbuot kotiblari quruq rahmatga ishlaydilar, muxlislar uchun. Lekin muxlis uchun, klub matbuot kotibiga sharoit qilib bermasa uyat bo'ladi. 

Yaqinda katta shov-shuvlarga sabab bo'lgan O'FFdagi matbuot anjumanida Mirabror Zufarovichga savol berar ekanman, viloyat futbol klublari matbuot kotiblariga etibor qaratmasliklarini va bu borada ularga qarshi jiddiy chora ko'rish vaqti kelganini aytib o'tdik. Ajab emas, futbolimiz rahbari yonida aytilgan gaplardan klublarimiz to'g'ri xulosa chiqarishadi. Biz esa o'z navbatida mazkur statistik malumotlarni O'FF prezidentiga etkazishga vada beramiz, toki klublarimiz matbuot kotibiga hurmat bilan qaramaguncha.