"Mashal": Stadionimizni keyingi mavsumga tayyorlash boshlandi (FOTOGALEREYA)

Ayni vaqtda asosiy maydonda keng ko'lamda ishlar olib borilmoqda.

Bu haqida stadion bosh direktori Xo'jamurod Kazakov batafsil aytib o'tadi.

"Ayni vaqtda stadionimizda keng ko'lamdagi ishlar boshlab yuborildi. Birinchi fikrim shunday bo'ladi: Biz kelayotgan mavsumni alo darajadagi maydonda boshlamoqchimiz. SHu bois ayni vaqtdan boshlab vazifamizga jiddiy yondoshganmiz.

Birinchi bo'lib qilinayotgan ishlar haqida aytib o'tadigan bo'lsak , stadionning markaz qismini ikki metrga ko'chirilmoqda. Darvozalar ham tablo tarafga qarab siljiydi. Markazni aniq olish va futbolchilarni kiyinish xonasidan to'g'ridan-to'g'ri markazga kirib borishi taminlanadi.

Keyingi vazifamiz esa maydon holatiga qaratiladi. Xabaringiz bo'lsa o'tgan mavsum boshida maydonni mavsumga kerakli sharoitda tayyorlay olmagan edik. Endi shu xatolardan kelib chiqib rejalar belgilab olindi. Jumladan maydonning suv to'planib qoldigan barcha qismlarida kerakli suvni quritish tizimlarini o'rnatmoqdamiz. Bu bizga  har qanday yomg'ir va qor sharoitida ham maydonda quruq saqlash imkoniyatini beradi.

Yana bir vazifamiz bu maydonning barcha qismini yani maydon ichi va tashqi qismidagi maysani bir tekislikda tamirlashdir. SHu bois ayni vaqtda maydonning bazi qismlaridan maysalar olinmoqda.

So'nggi vazifamiz esa barcha ishlar yakunlangandan so'ng maydonga zamonaviy "Canada Green" maysalarini ekishdan iborat bo'ladi. Bu maysa asosan mahalliy maysa va muhitga moslashtiriladi".

Tamirlash ishlaridan fotosuratlarni tomosha qiling.

Fotolar muallifi: Bunyod Andaev