Martin Boake: "O'tgan yilgidan ko'proq gol urishga harakat qilaman"
08 fev 2022 09:10
Yangiliklar

Martin Boake: "O'tgan yilgidan ko'proq gol urishga harakat qilaman"

AGMK jamoasi kecha Turkiya yig'ini doirasidagi ilk o'rtoqlik uchrashuvini Qozog'istonning "Kaspiy" klubiga qarshi o'tkazdi (2:0).

Kurash va hissiyotlarga boy o'yinda Mirjalol Qosimov shogirdlari 2:0 hisobida g'alaba qozondi. O'yindan so'ng jamoaning italiyalik hujumchisi Martin Boakega mikrofon tutdik.

"Jamoadoshlarim bilan O'zbekistondagi ikkinchi mavsumimga tayyorgarlik ko'ryapman. Kecha Turkiyadagi birinchi o'rtoqlik o'yinida maydonga tushdik. Qiyinchiliklar bo'lishi tabiiy. CHunki bu mavsum oldi yig'ini. Yuklamalar tasir qiladi.
AGMKning hujum chizig'ida ajoyib raqobat kechishi shubhasiz. Mendan tashqari Zafar Polvonov, Aleksandr Kasyan borligini unutmaslik lozim.
Joriy mavsum nechta gol uraman? Hozir biror narsa deyish qiyin. Xudo xohlasa o'tgan yilgidan ko'proq gol urishga harakat qilaman", - deydi Martin Boake.