Marko Simich: "Maydonda do'stlar bo'lmaydi"

Ushbu turda Toshkentning ikki klubi "Lokomotiv" va "Paxtakor" jamoalari o'zaro bahs olib borishdi. Uchrashuvdan so'ng, "Paxtakor" himoyachisi Marko Simich o'z fikrlarini bildirib o'tdi.

"Kuchli jamoaga qarshi qiyin o'yin bizni kutib turganini bilardik. Ikkinchi bo'limda kuchli o'yin ko'rsatish uchun ikkala jamoaning ham kuchi etmay qolgani ko'rinib qoldi. bizda ham, raqib jamoada ham gol urish uchun xavfli vaziyatlar bo'ldi. Birinchi bo'limda o'yin tizginini o'z nazoratimizda ushlab turdik. Ikkinchi bo'limda raqiblarimiz qarshi hujumga o'tishdi va qator vaziyatlar yaratishdi. Fikrimcha, durang natija ikkala jamoani ham qanoatlantirdi. 

Bu o'yin omadsiz bo'ldi demagan bo'lardim. Bunday qiyin o'yinlar bo'lib turadi. Asosiysi mag'lub bo'lmadik. G'alaba qozonish uchun bor kuchimiz bilan harakat qildik. Marat Bikmaev bilan maydonda biroz bahslashib qoldik. Bu futbol. Futbolda hamma narsa bo'lishi mumkin. Maydonda do'stlar bo'lmaydi. Meni hech qachon kamsitishlariga yo'l qo'ymayman", - deydi Marko Simich

Jahongir Sotvoldiev yozib oldi