Marat Auezniyazov: "SHo'rtan" bilan teng o'yin bo'ldi"

"Yaxshi o'yin guvohiga aylandik. "SHo'rtan" Pro liga jamoasi hisoblanadi. Umuman o'yin jihatdan tenglik bo'ldi. Lekin baribir darajada farq kuzatildi. Men jamoamdagi yigitlardan mamnunman. Qiladigan ishlarimiz ko'p. Hujumda kamchiliklarimiz bor. Maqsadimiz chempionat o'yinlarida munosib ishtirok etib, Pro ligaga yo'llanma olish",- deydi Marat Auezniyazov. 

- Guruhdan chiqadigan jamoalar orasida "Jayxun"ni ko'ramizmi? 

- Ochig'i bilmadim. "Bunyodkor" bilan uchinchi turdan keyin ko'ramiz. 

- Ikkinchi bo'limda jamoa faolroq harakat qildi. O'yinni avvalroq hujumkor ruhda boshlash o'yin natijasiga tasir qilar edimm? 

- Yigitlarga xotirjam futbol o'ynashimiz kerakligini aytgandim. Futbolchilarda sarosima bor. Bu ikkinchi o'yinimiz. Birinchi bo'limdan keyin ham bosimsiz harakat qilishni takidladik. 

- O'tgan o'yinda yo'l qo'yilgan kamchiliklardan qaysi biri bugun takrorlandi? 

- Indvidual kamchiliklarimiz ko'zga tashlandi. To'pni nazorat qilishda, birga-bir vaziyatlarda bilindi. 

- "Bunyodkor" oxirgi 3 ta o'yinda durang natija qayd etdi. "Jayxun" bu jamoaga qarshi qanday tayyorgarlik ko'radi? 

- Maydonga tushgandan keyin faqat g'alaba uchun o'ynaysiz. 

- Rahbariyat tomonidan klubga kubokda natija qilish qo'yilganmi yoki chempionatda? 

- To'g'risi chempionatda natija qayd etish vazifasi qo'yilgan. Kubok o'yinlarida Pro liga, Superliga jamoalari bilan o'ynayapmiz. Yigitlar o'yindan-o'yinga o'sishga erishishadi.